എനിക്കറിയാം
എല്ലാവരെയും പോലെ
നീയും ഇത് വായിക്കും
അപ്പോൾ
വരികൾക്കിടയിൽ നിന്ന്
ഒരു വാക്ക് മാത്രം
നിന്നെ വന്നു തൊടും
നിന്റെ വിരൽ പിടിച്ചു
ചുവന്ന പൂക്കൾ വീണു കിടക്കുന്ന
ഇടവഴിയിലൂടെ
അത് പിറകിലേക്ക് നടക്കും
കൽപടവുകളിൽ
ചേർന്നിരിക്കും
ഒഴിഞ്ഞ ഇടനാഴിയുടെ ഇരുളിൽ
ഒരുമ്മയിൽ പൂത്ത്
നിൽക്കും
യാത്ര പറയാതെ
പെട്ടെന്നൊരു കവിതയുടെ
മൗനത്തിൽ പൊതിഞ്ഞു
വീട് വിട്ടുപോകും
കവിത മൗനമാകും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ