വൃത്തിയാക്കല്‍

മുന്‍പു
ഓലമേയാന്‍
വീടു പൊളിക്കുബൊഴായിരുന്നു
വൃത്തിയാക്കല്‍

തട്ടിന്‍പ്പുറം
പത്തായം
കട്ടിലനടിയിലേയ്ക്കു
തള്ളിവെച
സിബുപോയ പഴയ ബാഗ്‌

സമയ സൂചികള്‍ പോയ
കളിവാചു
ത്രിശൂര്‍ പൂരത്തിനു വാങ്ങിയ
വട്ടം ചുറ്റുന്ന പാവ
ടയറു പോയ്യ
പോലീസുജീപ്പു
ഗോട്ടിക്കുരു

വലുതാകും തോറും
തിരിചു കിട്ടുന്നവയുടെ
സ്വഭാവം മാറിവന്നു.

സുകന്യ തന്ന
ചെംബകപൂവിന്റെ
ഇതള്‍ ഉണങ്ങിപിടിച
ഖസാക്കിന്റെ ഇതിഹാസം
ഓട്ടോഗ്രാഫ്‌
വാലന്‍പുഴു തിന്ന
പഴയ ഗ്രൂപ്‌ ഫോട്ടോ

തിരിചുകിട്ടുന്നവ
പിറകിലേയ്ക്കു തിരിയുന്ന
ക്ഖടികാരം പോലെ
കാലത്തിലൂടെ
തിരിചു നടത്തുമായിരുന്നു.

ഇപ്പോള്‍
മറ്റുള്ളവര്‍
എന്നെ വൃത്തിയാക്കുകയാണു

കൊടുത്തതൊന്നും
തിരിഛു കിട്ടിയിട്ടില്ലെന്നഛന്‍
ചുമല്‍ ചേര്‍ന്നു നടന്ന വഴികളീല്‍
ഉപേക്ഷിചു
പോയതാണെന്നു ചങ്ങാതി
പുറം കാത്തതിനു
കിട്ടിയത്‌
പകയുടെ കത്തിമുനയെന്നു
സഹോദരന്‍

ഇതുവരെയും
പ്രണയിക്കാത്ത ഹ്രുദയം
ഭാര്യ കുഴിചെടുക്കുന്നു

ഒടുവിലൊരാള്‍
പഴകിയ വിചാരങ്ങള്‍ക്കും
അഴുകിയ ഓര്‍മകള്‍ക്കും
ഇടയില്‍ നിന്നു
പഴയൊരായെന്നെ
തിരഞ്ഞെടുത്തെങ്കിലെന്നു
മോഹിചു ഞാനും.

വവ്വാല്‍

പക്ഷിയും
മൃഗവുമല്ലാത്ത
ഹിജഡ
ചിറകുകളുള്ളതിനാല്‍
ഭൂമിയില്‍ നിന്നും
നാടുകടത്തപെട്ടവര്‍
പക്ഷികള്‍
രാത്രിയിലേയ്ക്ക്‌
കൊത്തിയാട്ടിയവര്‍
ഒറ്റുകൊടുക്കപെടുന്നവര്‍
അഭയാര്‍ത്ധി
അലങ്കാരക്കൂടുകള്‍ക്കും
പ്രദര്‍ശനശാലകള്‍ക്കും
അനഭിമതന്‍
വേതാളജന്മം
ഇല പൊഴിഞ്ഞ അരയാലിന്റെ
കറുത്തതളിരുകള്‍
മചകത്തെയിരുട്ടിലെ
പ്രേതസാന്നിധ്യം

തലകീഴായി കിടന്നു
തലതിരിയാത്ത
ഒരു ലോകത്തെ
അവര്‍ സ്വപ്നം കാണുകയാവാം
കാഴ്ചയില്ലാതെ പറന്നു
തിമിരം ബാധിക്കാത്ത
പകലിനെയും
തിരിചെത്തുന്ന സന്ദേശങ്ങളാല്‍
തിരിചു വരാത്തവരുടെ വേദന
അവര്‍ക്കറിയാം