2010, ഓഗസ്റ്റ് 7, ശനിയാഴ്‌ച

മഴ നനഞ്ഞു ഒരാള്‍

പതിനഞ്ചു വര്‍ഷം മുന്‍പുള്ള
ഓര്‍മയില്‍
മഴ നനഞ്ഞു നടക്കെ
പൊടുന്നനെ
തെരുവു
ആളൊഴിയാന്‍ തുടങ്ങി
ഷട്ടര്‍ താഴ്ത്തി,കടക്കാര്‍
തുരുത്തുരാ ഹോണടിച്‌
ഓട്ടോറിക്ഷക്കാര്‍
കടല
കപ്പലണ്ടി വില്‍പനക്കാര്‍
കാല്‍നട യാത്രക്കാര്‍
ധ്രുതി പിടിച ചലനങ്ങളോടെ
എല്ലാവരും
മഴയും

സോഡിയം വേപ്പര്‍ ലാമ്പിന്റെ
പിത്തരസം പടര്‍ന്ന റോഡ്‌
പൊടുന്നനെ വിളക്കിന്റെ
ഒറ്റക്കണ്ണടഞ്ഞു
ലൈറ്റിടാതെ ഒരു കാര്‍
ബ്രേയ്ക്കു ഉരചു അരികില്‍ നിന്നു
അതേ ധ്രുതിയില്‍
ടയര്‍ ഉരച്‌ പാഞ്ഞുപോയി


ധ്രുതിയില്‍ മഴ നിന്നു
വെളിച്ചം വന്നു
ചുവപ്പും,മഞ്ഞയും പടരുന്ന
മഴവെള്ളത്തില്‍
പതിനഞ്ഞു വര്‍ഷത്തിനിപ്പുറം പെയ്ത
മഴ
മുഴുവന്‍ നനഞ്ഞ്‌
അയാള്‍ മാത്രം

2 അഭിപ്രായങ്ങൾ: